Мы в соцсетях:


«Ылтăн кĕркуннерен» – ылтăнпа

ПОДЕЛИСЬ!
Просмотров: 4

Мускавра октябрĕн 4–7-мĕшĕсенче иртнĕ Пĕтĕм Раççейри «Ылтăн кĕркунне» агропромышленноç куравĕнче Вăрнар каллех ырăпа палăрнă.

Районти чи пысăк предприятисенчен пĕри – «Вăрнарти аш-какай комбиначĕ» тулли мар яваплă обществăн продукцийĕ кăçал та пысăк хаклава тивĕçнĕ. Курава вăл пĕтĕмпе аш-какайран хатĕрленĕ пилĕк çимĕç тăратнă, пиллĕкĕшĕ те медальсене тивĕçнĕ.

«Особенные» сосиские, чĕрĕлле техĕмленĕ «Брауншвейгская» кăлпассие тата «Деликатесная» пĕçерсе техĕмленĕ ĕне ашне чи пысăк наградăпа – «ылтăнпа» – хакланă. «Кĕмĕлпе» – «Пряная» çурматехĕмленĕ тата «Новоостанкинская» пĕçернĕ кăлпассисене.

– Вăрнарти аш-какай комбиначĕн продукцине çĕршыв шайĕнче хаклани – пĕтĕм коллективăн пысăк çитĕнĕвĕ. Çавăн пекех пахалăха пысăк вырăн уйăрни те, – пĕлтерчĕ агрохолдингăн генеральнăй директорĕ Николай Аливанов.

Районтан «Ылтăн кĕркунне» курава çавăн пекех Николай Созонов фермер та хутшăннă. Вăрнарсен делегацине район пуçлăхĕ Геннадий Спиридонов ертсе пынă.

Светлана ЧИКМЯКОВА.

Источник: http://putpobedy.ru/publikatsii/399-ylt-n-k-rkunneren-ylt-npa


Чтобы быть в курсе новостей, подписывайтесь на нас в Вконтакте и в Одноклассниках!
ПОДЕЛИСЬ!
Мы в соцсетях: