Уй-хирте

Подпишись на нас:

Çурхи ĕçсем сарăлса пыраççĕ. Районĕпе илсен, çу уйăхĕн 7-мĕшĕ тĕлне çурхи тĕш тырăпа пăрçа йышши культурăсене 10719 гектар акнă е плана 67 процент пурнăçланă.

Кĕр тыррисем пысăк тухăç параççĕ, анчах та хресчен шанни тÿрре тухаймарĕ. 4238 гектар çинчи калчасем çу кунĕсенче вăй илеймерĕç.

Аграрисем пĕтнĕ лаптăксенче тепĕр хут тырă акрĕç. Çак вăхăт тĕлне ĕç кăтартăвĕ – 1960 гектар (46 процент). Хура çĕре çĕнĕрен шуратса пĕтернĕ организацисем – «Мураты», «Победа», «Броневик», «Знамя» кооперативсем, Вера Дмитриева, Алексей Игнатьев, Михаил Тарасов, Виталий Яковлев, Николай Герасимов фермерсен хуçалăхĕсем.

Районĕпе илсен, техника культурисене 798 гектар акнă.

Игорь Сергеев тата Александр Аврамов фермерсен хуçалăхĕсенчи «иккĕмĕш çăкăр» пуссинче те ĕç шавĕ илтĕнет. Çĕрулмине пĕтĕмпе 42 гектар лартнă.

Елена ПОРФИРЬЕВА.


Следующее: Прошла встреча с детьми войны

Предыдущее: Памятная встреча школьников с представителем МРОО ТО «Сыны Отечества»


Поделиться!