Артем Яковлевич Яковлев, 1926-мĕш ҫулхи пуш уйăхĕн 9-мĕшĕнче Калинино районне кĕрекен Чăрăш-Хирлеп ялĕнче ҫуралнă. Шкулта 7 ҫул вĕреннĕ. Ăна 1943 ҫулхи раштав уйăхĕн 9-мĕшĕнче Совет ҫарне илнĕ. Вăл раштавăн 29-мĕшĕнче присяга тытнă. 1943-1944-мĕш ҫулсенче уйрăм авто полкра вĕреннĕ. 1944-1946-мĕш ҫулсенче 286-мĕш авто батольонра водительре ҫўренĕ. 1944-1945-мĕш ҫулсенче Иккĕмĕш Тĕнче вăрҫинче ҫапăҫăва хутшăннă.
Артем Яковлевич «Хĕрлĕ Ҫăлтăр» орден кавалерĕ, 1-мĕш степеньлĕ Отечествăлла вăрҫă орденне тивĕҫнĕ пулнă. Ҫавăн пекех тĕрлĕрен медальсене, паллăсене, хисеп хучĕсене тивĕҫнĕ.
Мăшăрĕпе, Наталия Осиповнăпа виҫĕ ывăл, тăватă хĕр ҫуратса пурнăҫ ҫулĕ ҫине тăратнă. Тивĕҫлĕ канăва тухиччен «Гвардеец» колхозра водитель пулса ĕҫленĕ. Нумай хутччен хисеп хучĕсене тивĕҫнĕ.
Артем Яковлевич Яковлев 2008-мĕш ҫулхи кăрлач уйăхĕн 20-мĕшĕнче ҫут тĕнчерен уйрăлса кайна.
Чăваш Республикинчи халăха спорта явăҫтаракан «Гвардеец» членĕсем йĕркеленипе нарăс уйăхĕнче «Хĕрлĕ ҫăлтăр» орден кавалерне, 1-мĕш степенлĕ Отечествăлла вăрҫă орденне тивĕҫнĕ Артем Яковлевич Яковлева халалланă «Йĕлтĕр йĕрĕ» ăмăрту пулса иртнĕ. Курма килекенсем анчах мар, ăмăртăва хутшăнакансем те йышлăн пулнă. Кўршĕ ялсенчи, районсенчи, тĕп хулара Шупашкарта тата Мускав хулинче пурăнакан спортсменсем те ăмăртăва хутшăннă. Ҫулран – ҫулах иртекен йăлана кĕнĕ «Йĕлтĕр йĕрĕ» ҫине тăракансен уявне кăҫал та Ярмушкари вăтам шкул умĕнче иртереҫҫĕ.
Нарăс уйăхĕн 15-мĕшĕнче, Вăрнарти истроипе-краеведени музейĕнче курав иртрĕ. Музей экспозицине йĕркелеме Артем Яковлевичăн мăнукĕ, Русан Владимирович Яковлев тимлерĕ. Музей фондне аслашшĕн вăрҫăри докуменчĕсен копийĕсене, наградăсен муляжне, вăрҫă машинин амфибии ФОРД-4 печĕклетнĕ модельне парнелерĕ.
Руслан Владимирович, 12 ҫул хушши Артем Яковлевичăн вăрҫă вăхăтĕнчи пурнăҫĕ ҫинчен, пĕрле ҫапăҫнă юлташĕсем ҫинчен материал пуҫтарнă. «Мемориал», «Подвиг народа» сайтсенче Йăлтăм ялĕнчи Владимир Степанович Степанова, Мăн Явăшра пурăннă Александр Фадеевич Фадеева, Рунги ялĕнчен Алексей Сидорович Федорова шыраса тупнă.
Ярмушкари вăтам шкулта 6-мĕш класра вĕренекенсем Артем Яковлевичăн вăрҫă вăхăтĕнчи кун-ҫулĕпе паллаштарчĕҫ. Мăнукĕ, Руслан Яковлев аслашшĕ каласа кăтартнă самантсене аса илсе каларĕ. Шкул ачисене те, курава пухăннисене те, аса илў саманчĕ кăсăклантарчĕ.
Музей енĕпе ĕҫлекен директор ҫумĕ, Елена Ивановна Шарипова шкул ачисене музейри экспонатсемпе паллаштарчĕ. Чăваш хĕрĕсен ҫи-пуҫĕ ҫинчи тĕрĕсен пĕлтерĕшĕпе паллаштарчĕ.
Район администраци пуҫлăхĕ, Леонид Григорьевич Николаев истори страницине ҫĕнетнĕшĕн, шкул ачисене патриотла воспитани панă ҫĕре хастар хутшăннăшăн, Руслан Владимирович Яковлева Тав хучĕ парса чысларĕ.
Мероприятинче Муркаш районĕнчен Чечня вăрҫине хутшăннă, Раҫҫей Геройĕ Евгений Германович Борисов Чечняра пулнă засадăри саманта каласа кăтартрĕ. Ҫакăн пек тĕл пулусем ҫамрăк ăрушăн пĕлтерĕшлĕ пулнине ҫирĕплетрĕ.
Ермошкинское сельское поселение Вурнарского района