Зоя Порфирьева, Мачамăш, 91 çулта:
– Пурнăç уттинчен юлас килмест, çĕршыври, республикăри лару-тăрупа кăсăклансах тăратăп. Раççей Федерацийĕн тĕп саккунне – Конституцине – тÿрлетÿсем кĕртме палăртнине ырлатăп. Пĕтĕм Раççейри сасăлавăн тĕп кунĕ утă уйăхĕн 1-мĕшĕнче иртет. Ку пысăк пĕлтерĕшлĕ ĕçе çĕртме уйăхĕн 25-мĕшĕнчех тытăнчĕç. Сасăлава эпĕ те хутшăнтăм. Мана суйлав участокне кайма кăткăсрах, кил умне пырса сасăлаттарчĕç. Коронавирус чирĕ сарăласран алăсене дезинфекцилерĕç, хÿтĕлев хатĕрĕсемпе тивĕçтерчĕç.. Раççей гражданĕсен хастар пулмалла, пурин те кар тăрса çĕршыв пуласлăхĕшĕн сасăламалла!